ЯҢАЛЫКЛАР


12
октябрь 2019 ел.
шимбә

Республика җәмәгатьчелеге зур югалту кичерде. 2019 елның 11 октяберьдә 89 нчы яшендә озакка сузылган авырудан соң, Россия Федерациясе рәссамы, Татарстан Республикасы халык рәссамы, Габдулла Тукай исемендәге Татарстан Республикасы Дәүләт Премиясе лауреаты Рада Хөсәен кызы Нигъмәтуллина вафат булды. 

Бүген ТР Хөкүмәте Йортында «Социаль һәм спорт проектлар дирекциясе» КАБО Күзәтчелек советы утырышы узды. Утырыш Россия спорт министры Павел Колобков рәилегендә узды. Шулай ук аның эшендә Татарстан Республикасы Президенты Рөстәм Миңнеханов, Россия мәгариф министры урынбасары Ирина Потехина, Татарстан Премьер-министры урынбасары - ТР Министрлары Кабинеты Аппараты җитәкчесе Шамил Гафаров, ТР Премьер-министры урынбасары - мәгариф һәм фән министры Рафис Борһанов, ТР спорт министры Владимир Леонов, Спорт һәм социаль проектлар дирекциясе генераль директоры Азат Кадыров һәм башкалар катнашты. 

Татарстан Республикасы Президенты Рөстәм Миңнеханов Россия спорт министры Павел Колобков белән очрашты. Очрашу ТР Хөкүмәте Йортында узды. 

ТР Президенты каршындагы Эшкуарлар советының XIII киңәйтелгән утырышының турыдан-туры трансляциясе Татарстан Президенты сайтында оештырылачак.

Утырыш дүшәмбе көнне, 14 октябрьдә, Татарстан Республикасы Президенты Рөстәм Миңнеханов рәислегендә узачак. Чарада республиканың 200дән артык эшкуары, республика хакимияте органнары җитәкчеләре, муниципаль районнар башлыклары, Татарстан Республикасы Дәүләт Советы депутатлары катнашачак.

2018-2019 елларга «Демография» илкүләм проекты кысаларында, 6130 урын, урыны булдырып, шул исәптән 3110 ясле урыны, 30 балалар бакчасы төзү карала, бүгенгә 24 объект файдалануга тапшырылган, калган объектлар буенча эшләр дәвам итә. Бүген бу хакта Татарстан Республикасы Хөкүмәте йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.

Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин да катнашты.   


11
октябрь 2019 ел.
җомга

Бүген Татарстан Республикасы Президенты Рөстәм Миңнеханов Россия Фәннәр академиясе институтлары директорлары һәм фәнни җитәкчеләре белән очрашты.

Очрашу Татарстан Республикасы Хөкүмәте йортында узды. Очрашуда Татарстан Республикасы Премьер-министры урынбасары – Татарстан Республикасы мәгариф һәм фән министры Рафис Борһанов, Татарстан Республикасы Премьер-министры урынбасары Роман Шәйхетдинов, Татарстан Республикасы Президенты ярдәмчесе Радик Гыйматдинов, Татарстан Республикасы Фәннәр академиясе президенты Мәгъзүм Сәлахов, Казан федераль университеты ректоры Илшат Гафуров һәм башкалар катнашты. 

Бүген Татарстан Республикасы Президенты Рөстәм Миңнеханов «Баш дәүләт экспертиза идарәсе» федераль автономияле учреждениесе башлыгы Игорь Манылов белән очрашты. 

Яклар илкүләм проектларны гамәлгә ашыру, республиканың нефть-газ предприятиеләренең эре проектларны гамәлгә ашыру һәм электрон хезмәт күрсәтүләр системасын үстерү турында фикер алыштылар. Очрашуда шулай ук билгеләп үтелгәнчә, төзелештә бәяләр формалашуны камилләштерү эшендә һәм Россия Федерациясе субъектларында төзелеш ресурсларының агымдагы хакы нигезендә индексларны актуальләштерүдә алга китеш бар.

Очрашуда Татарстан Республикасы Премьер-министры урынбасары – Татарстан Республикасы Министрлар Кабинеты Аппараты Җитәкчесе Шамил Гаффаров, Татарстан Республикасы Президенты ярдәмчесе Равиль Зарипов һәм Татарстан Республикасы төзелеш, архитектура һәм ТКХ министры Ирек Фәйзуллин да катнаштылар.  


10
октябрь 2019 ел.
пәнҗешәмбе

Бүген Татарстан Республикасы Президенты Рөстәм Миңнеханов Кремль яр буе урамыннан йөреп чыкты. Ул Киров дамбасыннан алып Ленин дамбасына кадәр, шулай ук "Казан" милли-мәдәни үзәгенән Миллениум күперенә кадәр җәяү йөри зонасын төзекләндерү эшләре белән танышты. 


9
октябрь 2019 ел.
чәршәмбе

Машина төзелеше – Татарстан икътисадының төп сегментларының берсе.   Бүген республикада автомобильләр, самолетлар, вертолетлар, суднолар һәм машина төзелешенең илебездә һәм чит илләрдә ихтыяҗы булган башка продукциясе җитештерелә. Бүген бу хакта Татарстан Республикасы Президенты Рөстәм Миңнеханов Чаллыда Машина төзүче көненә багышланган тантанада хәбәр итте.   

Бүген төштән соң Татарстан Республикасы Президенты Рөстәм Миңнеханов Чаллы шәһәренә эш сәфәренә килде. Максаты – Машина төзүче көненә багышланган тантанада катнашу.  


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования