Рөстәм Миңнеханов Алабуга районында эш сәфәрендә

14 май 2018 ел., дүшәмбе

Бүген Татарстан Республикасы Президенты Рөстәм Миңнеханов Алабуга муниципаль районына эш сәфәре кыла.   

Максаты – «Алабуга» махсус икътисадый зонасында территориясендә «ММК-Джошкуноз Алабуга» яңа сервис метал үзәген ачу тантанасында катнашу. Автомобильләрнең кузов детальләрен штамповкалау өчен бланклар җитештерү заводы – Магнитогорск металлург комбинатының һәм «Джошкуноз Алабуга» МИЗның гамәлдәге резидентының уртак проекты.

Татарстанга тантаналы чарада катнашу өчен Чиләбе өлкәсе губернаторы Борис Дубровский һәм «Магнитогорск металлург комбинаты» ГАҖ Директорлар советы рәисе Виктор Рашников килде. «Бигеш» халыкара аэропортында кунакларны Рөстәм Миңнеханов каршы алды.  

ЯҢАЛЫКЛАРГА ЯЗЫЛУ
Copyright © 2010 — 2018
Татарстан Республикасы Президенты Аппараты
Яндекс цитирования