Рөстәм Миңнеханов Австриянең Fischer компаниясе җитәкчелеге белән очрашты

6 декабрь 2018 ел., пәнҗешәмбе

Бүген Татарстан Республикасы Президенты Рөстәм Миңнеханов Fischer («Фишер», Австрия) компаниясе җитәкчелеге белән очрашты.   

Очрашуда Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Татарстан Республикасы Инвестицион үсеш агентлыгы җитәкчесе Талия Миңнуллина, Чаллы шәһәре мэры Наил Мәһдиев һәм башкалар катнашты.

Татарстанның, алга киткән икътисадый төбәк буларак, инвестицияләр җәлеп итүчәнлеге мәсьәләләре, шулай ук инвесторлар өчен булдырылган  инфраструктура турында фикер алыштылар.

Искәртәбез, Fischer Sports компаниясе спорт товарлары җитештерүдәге эшләнмәләре һәм алдынгы технологияләре белән билгеле. Йөгерү өчен чаңгылар җитештерүдә иң эре лидерның төп офисы Рида шәһәрендә (Австрия) урнашкан. Fischer компаниясенең җитештерү куәтләре Ридада  (Австрия) һәм Мукачево шәһәрендә (Украина) тупланган.

Компаниягә 1924 елда нигез салынган. Fischer компаниясенең Россиядәге һәм БДБ илләрендәге Sports GMBH вәкиллеге 20 елдан артык уңышлы эшләп килә.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования