Рөстәм Миңнеханов Мәскәүдә КВН Халыкара Берлегенең Югары лигасы финалын карады

14 декабрь 2019 ел., шимбә

Бүген кич Татарстан Республикасы Президенты Рөстәм Миңнеханов Мәскәүдә КВН Халыкара Берлегенең Югары лигасы финалын карады.

Чара «Крокус Сити Холл» (Мәскәү өлкәсе) концерт залында узды.

КВН Югары лигасы финалында «Татнефть җыелмасы» КВН җыелма командасы катнашты һәм икенче урынны яулады. 

Искәртәбез, беренче мәртәбә Әлмәттән бу команда 2014 елда КВН Халыкара Берлегенең Премьер лигасы сезонында үзен күрсәтте.

2019 елда Татарстан Республикасы КВНы Югары лигада чыгыш ясады. «Татнефть җыелмасы» 2019 елның апрелендә Югары лиганың дүрттән берендә катнашты.  

Бүген «Крокус Сити Холл»да Татарстаннан бу командага көч биреп торырга «Татнефть» ГАҖ генераль директоры Наил Маһанов, Татарстан Республикасы яшьләр эшләре министры Дамир Фәттахов, Татарстан Республикасы Премьер-министры урынбасары – Татарстан Республикасының Россия Федерациясендәге Тулы вәкаләтле вәкиле Равил  Әхмәтшин килгән иде.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования