ЯҢАЛЫКЛАР


15
август 2019 ел.
пәнҗешәмбе

Бүген Татарстан Республикасы Президенты Рөстәм Миңнеханов Юл хәрәкәте иминлеге дәүләт инспекциясе хезмәткәрләренә һәм  участок вәкаләтле полиция хезмәткәрләренә яңа хезмәт автомобильләре ачкычларын тапшырды.

Автомобильләр республика бюджеты исәбенә "2014-2020 елларда иҗтимагый тәртипне тәэмин итү һәм җинаятьчелеккә каршы тору" Татарстан Республикасы дәүләт программасы буенча сатып алынган. 

Татарстан Республикасында соңгы 5 ел эчендә мәгариф инфраструктурасын камилләштерү буенча саллы чаралар күрелде – 16 мең укучыга 33 мәктәп, якынча 22 мең урынлык 150 балалар бакчасы төзелде, 711 мәгариф оешмасына капиталь ремонт ясалды. Бүген бу саннарны Татарстан Республикасы Президенты Рөстәм Миңнеханов Мәгариф һәм фән хезмәткәләренең август киңәшмәсенең пленар утырышында китерде. Киңәшмәнең төп темасы – «Тәрбия белем бирү сыйфатын арттыру факторы буларак».

Искәртәбез, быел Мәгариф һәм фән хезмәткәләренең традицион август киңәшмәсе «Казан Экспо» халыкара күргәзмә үзәгендә уза.

Киңәшмәдә Татарстан Республикасы Дәүләт Киңәшчесе Минтимер Шәймиев, Россия Федерациясе Мәгариф министры урынбасары Ирина Потехина, шулай ук республика министрлыклары һәм ведомстволары җитәкчеләре, муниципаль берәмлекләр башлыклары, эре предприятиеләр, педагогика һәм фән җәмәгатьчелеге, массакүләм мәгълүмат чаралары вәкилләре катнаша. 


14
август 2019 ел.
чәршәмбе

Мәгариф һәм фән хезмәткәләренең август киңәшмәсе «Рәсми Татарстан» сайтында (www.tatarstan.ru) онлайн режимда трансляцияләнәчәк. Киңәшмәнең төп темасы – «Тәрбия белем бирү сыйфатын арттыру факторы буларак».

Киңәшмәне «Рәсми  Татарстан» сайтының төп битендә карарга мөмкин булачак.

Киңәшмә 2019 елның 15 августында 11.00 сәгатьтә башлана.

Чара «Казан Экспо» халыкара күргәзмә үзәгендә узачак (Илһам Шакиров исемендәге концертлар залы).

Бүген Татарстан Республикасы Президенты Рөстәм Миңнеханов Төркия Республикасында кыска вакытлы эш сәфәрендә. 

Төркиядә вакытта Рөстәм Миңнеханов Стамбул мэриясенең Florya Sosyal Tesisleri социаль объектлар комплексында – парк зонасында, җәмәгать туклануы зонасында һәм башкаларда булды.


13
август 2019 ел.
сишәмбе

Әстерхан өлкәсе белән Калмыкия Республикасы гаять зур үсеш потенциалына ия. Бүген бу хакта Татарстан Республикасы Президенты Рөстәм Миңнеханов Әстерхан өлкәсе Губернаторы вазыйфаларын вакытлыча башкаручы Игорь Бабушкин һәм Калмыкия Республикасы Башлыгы вазыйфаларын вакытлыча башкаручы Бату Хасиков белән очрашуында хәбәр итте. Очрашу Казан Кремлендә узды.

Бүген Татарстан Республикасы Президенты Рөстәм Миңнеханов Тәтеш районында үзәктән ерак урнашкан торак пунктлары кешеләренә диспансеризация уздыру өчен күчмә поликлиника эше белән танышты.

Татарстан Президенты тагын яңа модуль фельдшер-акушерлык пунктын да  (ФАП) карап чыкты.

Бүген Татарстан Республикасы Президенты Рөстәм Миңнеханов Буа муниципаль районына эш сәфәре кылды. Анда ул урып-җыю эшләре барышын бәяләде. 

Татарстан Президентын ТР Премьер-министры урынбасары - авлы хуҗалыгы һәм азык-төлек министры Марат Әхмәтов, Бау муниципаль районы башлыгы Марат Җәббаров озата йөрделәр. Башта вертолеттан Кыят авылы («Киятское» ААҖ), Адав-Толымбай авылы, Олы Фролово авылы («Ак Барс» холдингының «Дружба» ҖЧҖ), Черки-Кильдураз авылы («Коммуна» ҖЧҖ), Яңа Чәчкаб авылы, Югары Лашчы авылы, Кайбыч авылы («Ак Барс» холдингының «Авангард» ҖЧҖ) кырларын карадылар.

 

Бүген Татарстан Республикасы Президенты Рөстәм Миңнеханов Кама Тамагы, Тәтеш, Буа муниципаль районнарына эш сәфәренә китте. Максаты – республика басуларында бөртеклеләрне урып-җыю барышы белән танышу. 

Эш сәфәрендә Рөстәм Миңнехановны Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов озата йөри.  

Татарстан Республикасы Президенты Рөстәм Миңнеханов, Әстерхан өлкәсе Губернаторы вазыйфаларын вакытлыча башкаручы Игорь Бабушкин һәм Калмыкия Республикасы Башлыгы вазыйфаларын вакытлыча башкаручы Бату Хасиков Казанның «Әл Мәрҗани» мәчетендә булдылар.

Искәртәбез, Игорь Бабушкин һәм Бату Хасиков Татарстанда эш сәфәрендә

Бүген Татарстан Республикасы Президенты Рөстәм Миңнеханов «Кравт Инвест» компаниясе җитәкчелеге белән очрашты. 

Быел «Кравт Инвест» «Казан-Экспо» ХКҮ территориясендә кунакханә комплексы төзи башлады.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования